Mense Martio ineunte in Domo Climatis in urbe Bremerhaven sita meteorologi convenerunt, qui caeli statibus extremis docti sunt. Per tres dies octoginta proposita tractata sunt e.g. de vi electrica in desertis creanda, de statu montium perpetua glacie tectorum, de nuntiis meteorologicis. Qui non iam audire voluerunt, facile per Domum Climatis ire potuerunt sequentes octavum gradum longitudinis. « Nullus locus aptior est ad congressus eiusmodi. » Ita iudicaverunt, qui convenerant.