2. Februar 2012, 8:00 Uhr

Latein-Buchtipps

Arcana botanica Augustea. Roma – Ara Pacis

Nuntius ad populum directus imaginibus rerum naturalium

Buchcover "Il Codice Botanico di Augusto", Verlag Gangemi Editore.

Recensuit: Dr. Heinrich Fliedner
Si quis non solum artem saeculi Augusti, sed etiam scientiam botanicam amat et linguarum vel Italicae vel Anglicae peritus est, libenter hunc librum inspiciet. Agitur de Ara Pacis Augustae, sed non de eis imaginibus, quae in parte superiore Augustum et primores urbis Romae in sacrificio occupatos ante oculos ponunt, sed de parte inferiore, quae ornamenta ex variis floribus et herbis composita exhibet. De his ornamentis dici solebatur esse nihil nisi delectamenta oculorum exquisite sculpta. Auctor autem, quae est profestrix botanicae in universitate urbis Romae, primum diligenter inspexit, quae vel quales plantae vel herbae sint, e quarum stipitibus, foliis, gemmis, floribus, fructibus pampini constant, et ubi sint posita in imaginibus. Monstrare potest quemvis ex dispositione harum particularum colligere potuisse ex rebus arduis ventum esse in tempora ubera et quasi in saeculum aureum. Ita Augustus civibus suis demonstrari voluit, quae essent commoda principatus ipsius.  Omnia haec plurimis photographematibus bene demonstrantur. Dolendum autem est in textu Anglico menda inesse permulta. Tamen pulchritudo voluminis adiuvat ei rei minus momenti attribuere.   

Caneva, Giulia: “Il codice botanico di Augusto. Roma – Ara Pacis. Parlare al populo attraverso le immagini della natura / The Augustus Botanical Code. Rome – Ara Pacis. Speaking to the people through the Images of Nature.” Roma, Gangemi editore, 2010.       

The Augustus Botanical Code. Rome – Ara Pacis
Speaking to the people through the Images of Nature