11. Februar 2011, 8:00 Uhr

Latein-Buchtipps

De Tribus Investigatoribus et Fato Draconis

"Die drei Fragezeichen - De Tribus Investigatoribus et Fat Draconis", Editio Latina

Recensuit: Hannelore Zöllner
Fabula est de vase Sinensi, quod apud patruum investigatoris primi depositum et fractum erat. Damnum resarcire conantes tres investigatores illud vas aliorum quoque hominum multum interesse cognoverunt et munere suo functi sunt. Quae fabula puerilis volumen est ex serie, quae pueris puellisque in Germania familiaris et cara est. Praecipue in ludum audibilem conversam liberi ubique terrarum valde gaudent audientes. Nunc fabula De fato draconis inscripta in linguam Latinam translata est, ut discipulis gaudium afferret in lingua Latina discenda. Ad hoc impetrandum multum prodest fabulam paene omnibus notam esse, deinde hanc versionem in linguam Latinam factam facilem esse percipere, postremo glossarium amplum libro adiectum esse. Certe facilius legitur illa fabula et ea de causa, quod verba in sententiis quasi Theodisco more posita sunt. Facere non possum, quin mentionem faciam de nonnullis verborum constructionibus, quae a praeceptis grammaticis linguae Latinae abhorreant, in his: illa res currendi matutini (pag. 48), Iustus a fine colloquii inopinato perturbatus (pag. 55), domi (pag. 83), domo (pag. 75). Sed satis de hoc.  Pro se quisque experiatur, quo libro utatur: dono nepotum, praemio discipulorum, gaudio suo.      

André Marx (in linguam Latinam transtulit: Ulrich Krauße): De Tribus Investigatoribus et Fato Draconis,  Verlag Mundus Latinus, Mettingen 2010 9.95 Euro

Die drei ??? und der Fluch des Drachens