1. November 2007, 8:00 Uhr

Latein-Buchtipps

Proelium Varianum

Rainer Wiegels "Die Varusschlacht - Wendepunkt der Geschichte"? Sonderheft 2007 PLUs der Zeitschrift "Archäologie in Deutschland", Theiss Verlag Stuttgart 2007

Proelium Varianum: Suntne conversae res populorum solo hoc eventu, ut multi dicunt, in his Theodor Mommsen ille rerum antiquarum scriptor? Non sunt, ut dicit editor huius libri. Hanc pugnam Germanorum et Romanorum magnum quidem momentum in utramque partem habuisse, sed neque Romanis causam statim e Germania se recipiendi attulisse neque fuisse quasi ortum nationis Germanicae.

Proelium Varianum: Fuitne prope vicum Kalkriese? Post multas controversias de loco proelii habitas hoc quidem constare videtur: Hoc loco fuit pugna Germanorum et

Romanorum, ut e multis rebus ibi inventis apparet, et haec pugna eodem tempore quo cladis Variana fuit.

Sed in hoc libro non solum de ipso proelio explicatur. Cognoscimus multa de Germania magna (hoc esse nomen verum huius partis Germaniae), multa de rebus a Romanis in Germania magna gestis. Multa castella a Romanis aedificata in ea regione ab archaeologis indagata et investigata sunt. Sed non solum vestigia exercituum Romanorum inventa sunt: nuper in vico Waldgirmes etiam colonia, quae in statu nascendi fuisse videtur, inventa est, ubi non modo milites Romani stationem habuerunt, sed etiam per nonnullos quidem annos Germani in pace et amicitia cum civibus Romanis fuerunt.

Haec omnia et multa alia, quae ad ea, quae anno post Chr. n. nono gesta sunt, intellegenda magni momenti sunt, in hoc libro explicantur atque multis imaginibus photographicis illustrantur.   

Rainer Wiegels (H.): „Die Varusschlacht – Wendepunkt der Geschichte?“ Sonderheft 2007 PLUS der Zeitschrift „Archäologie in Deutschland“. Theiss Verlag Stuttgart 2007. 24.90 Euro

Die Varusschlacht
Wendepunkt der Geschichte?