15. Februar 2008, 8:00 Uhr

Latein-Buchtipps

Historia inclinationis atque interitus imperii Romani

Edward Gibbon, "Verfall und Untergang des römischen Imperiums Bis zum Endes des Reiches im Westen", Directmedia Publishing GmbH, Berlin 2007, Digitale Bibliothek 161

Recensuit: Dr. Heinrich Fliedner
Saeculo duodevicesimo Edward Gibbon Anglicus nisus et textibus antiquis et inscriptionibus aliisque fontibus composuit opus sex voluminum, quibus continebatur historia imperii Romani ab imperatore Traiano usque ad urbem Constantinopolim a Turcis expugnatam. Quo opere magnam sibi gloriam peperit magnasque controversias excitavit, quod videbatur religionem Christianam in causis interitus habuisse.

Cuius operis magni prior pars, qua res usque ad interitum imperii occidentalis continentur, in sermonem Theodiscum conversa in disco compacto exhibetur secundum textum a domo editoria dtv publicatum. Accedit illius editionis commentarius a Wilfried Nippel historico conscriptus de vita auctoris eiusque temporibus, de modo eius operandi, de stilo eius, qualem adnotationum usum habuerit, quomodo opus eius ab historicis Theodiscis sit receptus, praeterea index librorum de Gibbon conscriptorum. 

Totus textus disco ita est incisus, ut singula eius verba vel verborum iunctiones celerrime cuncta investigari adirique possunt. Praeterea lector adnotationes ad textum ipse facere et condere, partes textus exprimere vel in proprios usus demere potest. Disco adiunctus est fasciculus, in quo explicatur, quomodo hae res fiant. Haec editio certe iis usui esse potest, qui ab ordinatri usu non abhorreant.                                                                        

Edward Gibbon: "Verfall und Untergang des römischen Imperiums. Bis zum Ende des Reiches im Westen."  Directmedia Publishing GmbH, Berlin 2007 (Digitale Bibliothek 161). 30,00 Euro

Verfall und Untergang des römischen Imperiums
Bis zum Ende des Reiches im Westen