11. Februar 2011, 8:00 Uhr

Latein-Buchtipps

De Gallinis Ferocibus

Buchcover "Die wilden Hühner – Editio Latina". In linguam Latinam transtulit Ulrich Krauße: "De Gallinis Ferocibus". Verlag Mundus Latinus, Mettingen 2009. 14.00 Euro

Recensuit: Hannelore Zöllner
Fabula, quam Cornelia Funke de Gallinarum Ferocium amicitia et de earum bello cum grege Pygmaeorum acto scripsit, pueris puellisque nota et iucunda est. Haec fabula nunc in linguam Latinam est translata et picturis a Cornelia Funke factis ornata. Glossarium amplum adiectum est, ut discipuli gaudio afficerentur in lingua Latina utenda. Fabula certe facilius comprehendi potest, si tirones suum proprium sermonem legunt vocabulis Latinis, ut ita dicam, vestitus: Sententiae constructae et verba posita sunt potius more Theodisco quam Latino.  - [E.g.: Sprotta aspectum suum per vultus sudatos ambulare fecit (p. 40). Sprotte ließ ihren Blick über die verschwitzten Gesichter wandern (p. 37). /  Ita sit, utinam. (p.41)  Ja hoffentlich. (p. 38) /  Hoc breve punctum temporis horrendi puellarum (p. 37) – die kurze Schrecksekunde der Mädchen (p. 33). Quae alio modo ab praeceptis linguae Latinae abhorreant, praetereo consulto.)]  -  Sed quod virtus esse videtur, idemque est vitium. Nam si cui videtur hoc libro legendo linguam Romanorum antiquorum cognoscere, errat. Tamen ex eo libro fructum quendam capiat, cui gaudio sit fabulam bellam legere. 

Cornelia Funke: "Die Wilden Hühner – Editio Latina". In linguam Latinam transtulit Ulrich Krauße: "De Gallinis Ferocibus". Verlag Mundus Latinus, Mettingen 2009. 14.00 Euro

Die Wilden Hühner