13. Oktober 2010, 8:00 Uhr

Latein-Buchtipps

De vi orationis

Eine kleine Geschichte der Rhetorik im alten Griechenland und Rom

Wilfried Stroh: "Die Macht der Rede", Ullstein Verlag Berlin 2009, 22,95 Euro

Recensuit: Volker Lütjens
Valahfridus Stroh, ille vir doctissimus et linguae Latinae peritissimus, librum                     suum recentem de vi orationis “parvam historiam artis rhetoricae Graecorum et Romanorum antiquorum” esse dicit. Parvam…? Immo vero est opus magnum et copiosum. Quod incipit a carminibus Homeri et pervenit usque ad rhetores Christianos. Sed ne credideris enumerationem taedii plenam historiae artis rhetoricae tibi legendam esse: Auctor ipse et orator maximus et narrator optimus est, ut inter omnes constat. Itaque magna cum voluptate legimus de Gorgia, Lysia, Demosthene, illo maximo oratore Graecorum, de Catone, Cicerone, Quintiliano, qui auctori maxime cordi est.

Cognoscimus de maximis contentionibus forensibus Graecorum et Romanorum; discimus, quomodo oratione causa inferior fiat fortior; docemur de cunctis rebus ad bene dicendum pertinentibus, ut pauca exempla tantum afferam. Omnia haec etiam ad homines nostrae aetatis attinere auctor multis locis declarat. Hic liber non modo amicis Linguae Latinae, sed etiam studiosis et magistris philologiae classicae maxime legendus est.

Wilfried Stroh: "Die Macht der Rede", Eine kleine Geschichte der Rhetorik im alten Griechenland und Rom, Ullstein Verlag Berlin 2009, 22,95 Euro

Die Macht der Rede
Eine kleine Geschichte der Rhetorik im alten Griechenland und Rom