Summa prudentia custos publicus machinam ad radioscopiam aptam capsae suspiciosae admovet. Hominibus aditu non solum ad porticum curiae sed etiam ad totum forum Bremense interdictum est; nam periculum displosionis instat.
Custos quidam talis periculi familiaris imaginem radiographicam aufert. "Radioscopia facta collega inspexit, quae capsae insunt: Nihil suspiciosum videtur." Capsa aperiri tuto potest, quae - Deo gratia - tota vacua est.
Magistratus timent, ne quis malignus ioco malo usus sit.