Visurgis flumen hodie spectaculum insolitum praebet. Navis oneraria ingenti magnitudine prope ripam vado illisa in flumine haeret.
Ad utramque ripam fluminis multi homines spectatum venerunt.
Quid nunc fiet? Tollenonibus natantibus viri earum rerum periti arenam sub carina removent, navem exonerant et tum demum naviculis tractoriis medium in flumen trahunt.
Quae ad Brake portus molem appellit. Inspectione diligentissime facta magister portus declarat navem nihil detrimenti accepisse. Naviculae tractoriae eam e portu trahent, ut iter in flumine necopinato interruptum feliciter pergat.