Toni Ailton, fulgur globosum ut dicitur, pedilusor coronatus Bremam reliquerat; sperabat aliis in terris res sibi etiam melius eventuras esse. Itaque ubique terrarum inter urbes Bremam et Constantinopolim, inter terras Brasiliam et Sinam in veram Odysseam incidit. Interrogatus, quanta pecunia accepta Bremam reverterit, respondit Ailtonice : "Oh, dixi id magnum esse, habeo familiam, familia est contenta, liberi quoque et debere in urbem meam in Brasilia, nisi est sabbatum, et Brema est patria mea prima."
Et artem suam pedifollicam libenter demonstrat in ea urbe, ubi per omne tempus vivere vult.