Magna voce Henner Flügger pastor Bremensis illud opus vere ingens incipi iubet. Festinare necesse est. Nam uno die viginti quinque adulescentibus e viginti quinque milibus florum signum dierum ecclesiasticorum, qui Bremae habebuntur, formandum est. Violas plantant colore candido, flavo, violaceo. Hortulanus quidam norma usus curat, ut flores recte plantentur. Pastor ipse violas aqua baptizat.
Ecce, Hierosolymitanam crucem in vallis sub ventirota vetere videmus: quae abhinc sexaginta annis insigne est festi ecclesiae euangelicae; quorum quinque cruces vel vulnera quinque Christi vel Christum una cum quattuor euangelistas ostendunt.