Plattdeutsche Nachrichten

De Plattdüütschen Narichten vun'n 29. November 2019

Plattdüütsch Narichten vun'n 29. November 2019, [2:53]

„Fridays For Future“ geiht wedder op de Straat

Bremen: Hütt Vomdag gaht wedder op de ganze Welt hunnertdusende Minschen för de Arbeit för dat Klima op de Straat. Alleen in Bremen willt an de 10.000 Minschen bi de Aktion mitmaken. In ganz Düütschland sünd in 500 Städe Veranstalten vun „Fridays for future“ anmelld. De Polizei wohrschaut vör veel Verkehr op de Straaten in de Binnenstadt.

Altmaier nimmt Afstand vun`t Afstand

Berlin: De Minnstafstand bi den Bo vun nee`e Windröder , wo dat mehrere Menen to gifft, is as dat schient vun Disch. Na Berichte vun de Medien is dat Bunnswirtschaftsministerium den Andrag dorför nochmal angahn. Egens wolln se een Minnstafstand vun 1000 Meter to Flachen mit Wohnhüüs fastleggen. Man Lüüd, de dor wat vun afkennt sünd dat scharp angahn.

Bundsraat leggt Delen vun`t Klimapakt fast

Berlin: De Bundsraat leggt hütt Delen vun`t Klimapakt vun de Bundesregerung fast. As dat utsüht ward de Länner, wo de Grönen bi de Regeerung mitmaakt, de Plans vun de groten Koalition eerstmal stoppen. De Grund dorför sünd de planten stüerrechtlichen Regeln. Dor hört de grötter maakte Pendler-Geldbedrag to, un ok dat Runnersetten vun de Mehrwertstüer vun de Billjet för de Iesenbahn.

USA snackt wedder mit Vertreder vun de Taliban

Kabul: Na Angaav vun US-Präsident Trump verhannelt de USA wedder mit de Taliban över eenen mööglichen Fredensplaan. Dat seggt Trump in Afgahnistan, bi een Besöök vun siene Truppen, den he nich ankünnigt harr. Na eene Reeg vun Anslääg harr Trump dat Snacken üm den Freeden mit de Taliban in`t September för „dood“ verklaart.

Deel vun`t Utwannererhuus kriggt nee`en Grundsteen

Bremerbaben: De plante Anbo vun`t Düütsche Utwannererhuus kriggt hütt sienen nee`en Grundsteen. De nee`e Bo schall sik över den eersten Anbo vun 2012 as eene Hüll leggen. Dor willt se aktuelle un historische Aspekte vun de Inwannerung behanneln. Dat Huus schall üm un bi 12 Millionen Euro kosten. 2021 schall dat trecht sien.

Dat Weer

Un nu een Blick op dat Weer: an den Bremer Flegerhaben 5, in Cuxhaben un un an de Fischreehabenslüüs in Bremerhaben 6 un op Langeoog sünd dat opstunns 8 Graad. Hüüt wesselt sik de Sünn un de Wulken af. Hier un dor mööt wi mit Regenschuers un Grisselgrussel, vun Nordwesten her, reken, bi 6 bit 8 Graad. Tokamen Nacht treckt vun de Nordsee her Regen un Grisselgrussel dör. Dat Thermometer sackt op 1 bit 0 Graad. Morrn blifft dat so wesselhaft. Een Mix ut Sünn un Wulken . Dor kummt wedder veel Natt vun baven runner. Meist keen Regen bi 6 bit 8 Graad. Ok Sünndag blifft dat gries, man dat is meist dröge. Dat ward köhler bi 3 bit 6 Graad.Dat weern de Nahrichten op platt. Jan Siegert hett se tohoopstellt. Op Platt trechtmaakt un vörleest hett se Antje Kruppa.